+សំណួរទី១៥៨ :
តើកូនល្អ មិត្តល្អ សិស្សល្អ និង ពលរដ្ឋល្អ មានលក្ខណៈសម្បត្តិដូចម្ដេចខ្លះ?
-ចម្លើយទី១៥៨ :
កូនល្អ មិត្តល្អ សិស្សល្អ និង ពលរដ្ឋល្អ មានលក្ខណៈសម្បត្តិដូចតទៅ ៖
- ជាកូនដែលមានអត្តចរិតស្លូតបូត សុភាពរាបសា ទន់ភ្លន់
- ស្ដាប់ដំបូន្មានឪពុកម្ដាយ បងប្អូន ជីដូនជីតា ចេះថែទាំប្អូនតូចតាចតាមសមត្ថភាព និង លទ្ធភាព
- ស្រឡាញ់ពលកម្ម អនាម័យ ការពារបរិស្ថាន ស្រឡាញ់ការអប់រំកាយ និង កីឡា
- ចេះសន្សំសំចៃថវិកា និង ថែទាំសម្ភារដើម្បីជួយសម្រួលដល់ជីវភាពរស់នៅប្រចាំថ្ងៃរបស់គ្រួសារ
- ចេះថែរក្សា ការពារ កិត្តិយសគ្រួសារ និងមិនធ្វើឲ្យមាតាបិតា ក្រុមគ្រួសារពិបាកចិត្ត ឬ ខកចិត្តដោយប្រការណាមួយ។
+សិស្សល្អ
- ជាសិស្សដែលមានសេចត្ដីឧស្សាហ៍ព្យាយាមរៀនសូត្រ និង រៀនពូកែ
- គោរពបទបញ្ជាផ្ទៃក្នុងសាលារៀន គោរពគ្រូ មករៀនទៀងទាត់ពេលវេលា
- មានស្រ្មារតីស្រាវជ្រាវបំពេញបន្ថែមចុះណេះដឹង
- ចូលរួមសកម្មភាពសង្គម ក្លឹមសិក្សាទាំងក្នុងសាលា និង ក្នុងសហគមន៍
- មិនបង្កការលំបាកដល់សាលារៀន ការពារកិត្តិយសសាលារៀន។
+មិត្តល្អ
- ធ្វើខ្លួនឲ្យល្អទប់នឹងបាតុភាពអសកម្មក្នុងសង្គម
- មានទំនាក់ទំនងល្អជាមួយមិត្តភក្តិទាំងក្នុង និង ក្រៅសាលាមានចិត្តស្រឡាញ់មិត្តភក្តិ និង ជួយគ្នាទៅវិញទៅមក
- ចេះដាស់តឿនមិត្តភក្តិដែលកេច និង បោះបង់ការសិក្សាឲ្យវិលត្រឡប់មករៀនសូត្រវិញ
- មានស្មារតីឧស្សាហ៍ព្យាយាម មានអំណត់អត់ធន់ ពិសេសជួយមិត្តិភក្តិដែលក្រីក្រ និង ចូលរួមសកម្មភាពសិល្បះ ការអប់រំកាយ កីឡា និង មានវិធានការការពារជំងឺដើម្បីថាមពល និង សុខភាពល្អប្រសើរ
- មិនបង្កការលំបាកដល់មិត្តភក្តិ។
+ពលរដ្ឋល្អ
- អត្តចរិតល្អ
- សីលធម៌រស់នៅល្អ
- គោរពច្បាប់សង្គម
- ចូលរួមការពារច្បាប់សង្គម
- មិនបង្កការលំបាកដល់សង្គម
- ចូលរួមអភិវឌ្ឍន៍សង្គម
- មិនបង្កអសន្តិសុខដល់សង្គម
- មិនបង្កកង្វល់ដល់អ្នកដទៃ
- ស្រឡាញ់ថែរក្សាការពារ សម្បត្តិសាធារណ
- ស្រឡាញ់ថែរក្សាការពារ សម្បត្តិធម៌ជាតិមាតុភូមិ។
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ដកស្រង់ពីសៀវភៅវប្បធម៌ទូទៅដោយ ៖ ស្រូវ
