+សំណួរទី១០៧
ក-អ្វីទៅជាជំងឺរបេង?
ខ-តើជំងឺរបេងឆ្លងដោយរបៀបណា?
គ-តើរោគសញ្ញានៃជំងឺរបេងសួតមានអ្វីខ្លះ?
ឃ-ដើម្បីព្យាបាលជំងឺរបេងបានសះស្បើយ តើត្រូវធ្វើដូចម្ដេច?
-ចម្លើយទី១០៧
ក-ជំងឺរបេងជា
- ជំងឺឆ្លងកាចសាហាវបំផុត។
- វាពុំមែនជាជំងឺតពូជទេ។
- ជំងឺនេះបង្កឡើងដោយសារមេរោគរបេងដែលមានឈ្មោះថា”បាសុីដឺកុក”ហៅកាត់ថា “បេកា”។
- ជំងឺរបេងច្រើនកើតនៅសួតហៅថា ជំងឺរបេងសួត។ ប៉ុន្តែសរីរាង្គផ្សេងទៀតក៏អាចកើតជំងឺរបេងដែរហៅថា ជំងឺរបេងក្រៅសួតដូចជា របេងឆ្អឹង របេងស្រោមសួត របេងស្រោមខួរក្បាល របេងកូនកណ្ដុរ ឬម្រេញ របេងតម្រងនោម…។
ខ-មានតែជំងឺរបេងតែមួយគត់ដែលចម្លងមេរោគរបេងពីអ្នកជំងឺទៅអ្នកជា តាមរយៈខ្យល់ដកដង្ហើម ដោយសារការក្អួត ឬកណ្ដាស់ ឬការនិយាយស្ដីទល់មុខគ្នា។ ចំណែកជំងឺរបេងក្រៅសួត មិនឆ្លងទៅអ្នកដទៃ តាមរយៈខ្យល់ដកដង្ហើម ដោយសារការក្អួត ឬកណ្ដាស់ ឬការនិយាយស្ដីទល់មុខគ្នានោះទេ។
សម្គាល់ : លើកលែងតែចំពោះរបេងក្រៅសួត ដែលមានរួមផ្សំជាមួយរបេងសួតប៉ុណ្ណោះដែលអាចឆ្លងបាន។
គ-រោគសញ្ញា នៃជំងឺរបេងសួតគឺ ៖
- តោគសញ្ញាចម្បង : ក្អកលើសពី២ ទៅ ៣សប្ដាហ៍ (មាន ឬគ្មានកំហាក)
- និងអាចរួមផ្សំដោយ : ក្ដៅស្រៀវស្រាញពេលល្ងាចបែកញើស ពេលយប់បាយមិនឆ្ងាញ់ ស្រកទម្ងន់ អស់កម្លាំង ឬឈឺទ្រូង…។
ឃ-ដើម្បីព្យាបាលជំងឺរបេងជាសះស្បើយគឺ ៖
ជំងឺរបេងត្រូវព្យាបាលរយៈពេល ៦ខែតាមវិធីសាស្រ្តដូតស៍
- លេបថ្នាំរៀងរាល់ព្រឹក
- ទៀងទាត់ និងគ្រប់ចំនួន
- ក្រោមការត្រួតពិនិត្យផ្ទាល់ពីបុគ្គលិកសុខាភិបាល ឬអ្នកស្ម័គ្រចិត្តដែលបានទទួលការបណ្ដុះបណ្ដាល។
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ដកស្រង់ពីសៀវភៅវប្បធម៌ទូទៅដោយ ៖ ទន្សាយ (ភ្នំ)
