ប្រាសាទបន្ទាយស្រី ស្ថិតនៅក្នុងភូមិបន្ទាយស្រី ឃុំបន្ទាយស្រី ស្រុកបន្ទាយស្រី ខេត្តសៀមរាប មានចម្ងាយប្រហែល ៣២គីឡូម៉ែត្រពីក្រុងសៀមរាប។ ប្រាសាទនេះកសាងឡើងនៅពាក់កណ្ដាលទី២ នៃសតវត្សរ៍ទី១០ ក្នុងរាជព្រះបាទរាជេន្ទ្រវរ្ម័ន និងព្រះបាទជ័យវរ្ម័នទី៥ ដែលឧទ្ទិសដល់ព្រហ្មមញ្ញសាសនា។
ប្រាសាទនេះជាប្រាសាទរបស់ព្រាហ្មណ៍ម្នាក់ឈ្មោះយជ្ញវរាហៈ ដែលជាគ្រូរបស់ព្រះបាទជ័យវរ្ម័នទី៥។ ប្រាសាទនេះពុំមែនជាប្រាសាទភ្នំទេ តែជាប្រាសាទសង់រាបដីមានរាងតូចច្រឡឹងសង់ពីថ្មភក់ពណ៌កុលាប និងមានក្បាច់ចម្លាក់ដ៏ល្អអស្ចារ្យគង់វង្សល្អ។ ហោជាងមានរាងត្រីកោណ និងស្នាមជើងឆ្មាមានដងក្តារច្រើនជាន់ និងមានរចនាក្បាច់រឿងលើនោះ។
ប្រាសាទនេះមានរាងចតុកោណដែលមានកំពែងបីជាន់ និងមានគូទឹកព័ទ្ធជុំវិញ។ ប្រាសាទនៅផ្នែកកណ្តាល មានសម្រស់ស្រស់ស្អាតណាស់ ហ៊ុំព័ទ្ធដោយកំពែងថ្មបាយក្រៀម។ មានបណ្ណាល័យពីរនៅសងខាងផ្លូវចូលបែរមុខទៅទិសខាងលិច។ ប្រាង្គទាំងប្រាំបីនៅផ្នែកកណ្តាល ស្ថិតនៅជាជួរពីខាងជើងទៅត្បូងបែរមុខទៅទិសខាងកើត។ ប្រាង្គកណ្តាលមានតម្កល់លិង្គព្រះឥសូរ ឯប្រាង្គខាងត្បូងឧទ្ទិសដល់ព្រះព្រហ្ម និងប្រាង្គខាងជើងឧទ្ទិសដល់ព្រះវិស្ណុ។ ប្រាង្គទាំងនេះមានរូបមនុស្សក្បាលសត្វយាមនៅផ្លូវចូល។ ប៉ុន្តែរូបទាំងនោះភាគច្រើនជារូបចម្លង។
ខាងក្រោមនេះជាព័ត៌មានបង្ហាញពីទីតាំង មធ្យោបាយធ្វើដំណើរ កន្លែងស្នាក់ កន្លែងលក់អាហារ រួមទាំងប្រព័ន្ធទំនាក់ទំនង ៖
-ទីតាំង (ផែនទី-Map) : https://maps.app.goo.gl/tPkyL36FsgVF9L76A
-មធ្យោបាយធ្វើដំណើរ : មានចម្ងាយប្រហែល ៣២គីឡូម៉ែត្រពីក្រុងសៀមរាប។
-កន្លែងស្នាក់ : N/A
ចុច Link ដើម្បីមើលព័ត៌មានលម្អិត : N/A
-កន្លែងលក់អាហារ : N/A
ចុច Link ដើម្បីមើលព័ត៌មានលម្អិតពីហាង : N/A
-ចុចទីនេះដើម្បីមើលកន្លែងស្នាក់ខេត្តសៀមរាប : https://phkaslapartner.com/business-kamsan/hotel_hospitality/
-សូមចុច link ដើម្បីអានអត្ថបទពីតំបន់កម្សាន្តក្នុងប្រទេសកម្ពុជា ផ្សេងៗទៀត :
https://phkaslapartner.com/business-kamsan/travelingcambodia/
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ផ្សាយពាណិជ្ជកម្មពីអាជីវកម្មរបស់លោកអ្នក សូមផ្សាយជាមួយ ផ្កាស្លា ផាតនើ!
អត្ថបទដោយ ៖ ទន្សាយ (ភ្នំ)
