Sapa-Lào Cai ប្រទេសវៀតណាម
បន្ទាប់ពីរងនូវវិបត្តិនៃជំងឺកូវី១៩ (Covid-19) យ៉ាងធ្ងន់ធ្ងរ អស់រយៈពេលជាង ២ឆ្នាំរួចមក មានប្រិយមិត្តភាគច្រើនប្រាកដជាមិនសប្បាយចិត្តឡើយ ព្រោះបានខកខានគម្រោងរៀបអាពាហ៍ពិពាហ៍ គម្រោងធ្វើដំណើរកំសាន្តតាមបណ្តាខេត្ត ឬតាមបណ្តាប្រទេសនានា។ ជាភាពរីករាយក្រៃលែងដែលជំងឺនេះ ត្រូវបានគ្រប់គ្រងឲ្យស្ថិតក្នុងស្ថានភាពល្អប្រសើរ ហើយក៏មានន័យថា “ប្រិយមិត្តអាចធ្វើដំណើរកម្សាន្តបានហើយ…!”។ ដោយសេចក្តីសោមនស្សចំពោះពេលវេលាចាប់ផ្តើមដ៏ល្អនេះ ផ្កាស្លា ផាតនើ សូមនាំប្រិយមិត្តមកទស្សនាតំបន់ទេសចរណ៍មួយកន្លែងនៃប្រទេសវៀតណាម នោះគឺ Sa Pa។
Sa Pa មិនត្រឹមជាកន្លែងដើរលេងដ៏ពេញនិយមមួយនោះទេ វាគឺជាទីក្រុងដាច់ស្រយាលមួយស្ថិតក្នុងខេត្ត Lào Cai ភាគពាយ័ព្យនៃប្រទេសវៀតណាម និងមានចម្ងាយប្រមាណ 375 គីឡូម៉ែត្រពីទីក្រុងហាណូយ ជិតព្រំដែនជាមួយប្រទេសចិន។ កុលសម្ព័ន្ធភ្នំដូចជាជនជាតិម៉ុង តាយ និងដាវ ជាប្រជាជនក្នុងតំបន់ភាគច្រើននៃទីក្រុង Sa Pa។ ទីក្រុង Sa Pa ស្ថិតនៅរយៈកម្ពស់ប្រមាណជា 1500-1800 ម៉ែត្រពីនីវ៉ូទឹកសមុទ្រ អមដោយអាកាសធាតុកម្រិតមធ្យម និងមានភ្លៀងធ្លាក់ក្នុងរដូវក្តៅ (ឧសភា-សីហា) និងមានអ័ព្ទត្រជាក់លាយឡំជាមួយនឹងព្រិលធ្លាក់ម្តងម្កាលក្នុងរដូចរងារ។ រីឯទីប្រជុំជន Sa Pa ដែលស្ថិតនៅជួរភ្នំ Hoàng Liên Son គឺជាមូលដ្ឋានសម្រាប់ដំណើរកម្សាន្តដ៏ពេញនិយម ដោយយើងអាចមើលឃើញវាលស្រែរាបស្មើយ៉ាងធំ និងចម្លាក់ថ្មបុរាណនៃជ្រលង Muong Hoa មិនត្រឹមតែប៉ុណ្ណោះ Sa Pa ស្ថិតនៅជិតកំពូលភ្នំ Fan Si Pan គឺជាភ្នំដែលខ្ពស់ជាងគេបំផុតនៃប្រទេសវៀតណាម (មានកម្ពស់ 3,143 ម៉ែត្រពីនីវ៉ូទឹក) ដោយយើងអាចឡើងបានតាមរយៈផ្លូវដ៏ចោត និងដើរច្រើនថ្ងៃ លើសពីនេះទៀតក៏មានភ្នំ Aurora & J ដែលជាកន្លែងអាចមើលឃើញព្រះអាទិត្យលេចឡើងនៅពេលថ្ងៃរះយ៉ាងស្រស់ស្អាត។
ចំពោះការធ្វើដំណើរ ដោយយោងតាមព័ត៌មានរបស់កញ្ញា VERA បានផ្តល់មកកាន់ ផ្កាស្លា ផាតនើ ដូចខាងក្រោម ៖
+មធ្យោបាយធ្វើដំណើរ
-ចេញដំណើរពីភ្នំពេញ ទៅ ទីក្រុងហូជីមិញ ចំណាយពេលប្រមាណ 6ម៉ោង យើងមានជម្រើសច្រើន តែពេលទៅខ្ញុំជិះតាមឡានក្រុង ដានដាន (Danh Danh Express Bus) តម្លែ 120$ ទៅមក (កាលមុនកូវិតអស់តែម្នាក់ 16$ ទៅមក)
Danh Danh Express Bus : #285&287, Preah Sihanouk Blvd (274), Phnom Penh.
លេខទំនាក់ទំនង : 097 813 2233 / 077 686 828
-ទៅដល់ទីក្រុងហូជីមិញ ខ្ញុំបន្តដំណើរទៅ ប្រលានយន្តហោះ តឹងសើនញឹត (Tan Son Nhat) ចំណាយពេលហោះ 2ម៉ោង ដើម្បីបន្តដំណើរទៅទីក្រុងហាណូយ តម្លែសំបុត្រទៅមក 86$.
-ដល់ទីក្រុងហាណូយ យើងបន្តដំណើរឆ្ពោះទៅទីក្រុង Sa Pa។ ដើម្បីទៅដល់ទីនោះ យេីងអាចជ្រើសរើសមធ្យោបាយធ្វើដំណើរតាមរថភ្លើង ឬឡានក្រុងក៏បាន។
ប្រភេទឡានក្រុងរួមមានក្រុមហ៊ុន Hải Vân, Sao Việt, និង Interbusline។ តម្លៃសមរម្យ ប៉ុន្តែមានគ្រែគេងស្រួល ហើយមានបន្ទប់ទឹកនៅលើឡានទៀតផង។
ពេលទៅខ្ញុំជិះ Sao Việt (https://xekhachsaoviet.com/trang-chu) លេខទំនាក់ទំនង : 0243 9922 555, តម្លែទៅមក35$ ចំណាយពេលប្រមាណ 6ម៉ោងដើម្បីទៅដល់ទៅទីក្រុងសាប៉ា (Sa Pa)។
+កន្លែងស្នាក់នៅ
-យើងជ្រើសរើសយក Homestay « Catcat Garden មានតម្លៃ 25$/យប់ អមដោយទេសភាពស្អាតដូចរូបគំនូរអញ្ជឹង។
📍ទីតាំង Homestay – Coffee view – Restaurant
Add : 079 Fansipan st, Sapa
Tel: 02146 555 666 | 0988 552 388 នៅជិតប្រជុំជនចម្ងាយប្រហែលជា1.8km។
-ជាមធ្យោយបាលល្អ ដេីម្បីដឹងច្បាស់ពីស្ថានភាពទីកន្លែងគេង និងតម្លៃពិសេស យេីងអាចធ្វើការស្វែងរកកក់បន្ទប់បាននៅតាម Website : Booking.com or Agoda.com
ពេល Checkin បន្ទប់ហើយ យើងអាចរកជួលម៉ូតូនៅសណ្ឋាគារតែម្តង ដោយសារខ្ញុំបានកក់មុន ដូចនេះវាមានភាពងាយស្រួលក្នុងកាធ្វើដំណើរបានច្រើនកន្លែង ហើយចំណាយអស់តិចទៀត ត្រឹម 6$/1ថ្ងៃ ប៉ុណ្ណោះ។
យើងអាចធ្វើដំណើរទៅញាំអាហារនៅម្តុំទីប្រជុំជនដូចជា ម្តុំព្រះវិហារថ្ម និង Sun Plaza ទីនោះមានអាហារសំបូរបែបសម្រាប់យើងជ្រើសរើស រីឯតម្លែក៏ធូថ្លែដែរ ត្រឹម 2.5$ ចុះក្រោម។
ពេលញាំបាយរួច ខ្ញុំក៏បន្តដំណើរទៅតំបន់ទេសចរណ៍ល្បីៗដូចជា ៖
📍 Fansipang
សំបុត្រជិះខ្សែកាប និងសំបុត្ររថភ្លើង : 44$
📍 Cầu kính Rồng Mây: Sơn Bình, Tam Đường, Lai Châu
សំបុត្រ: 17$/1នាក់
រួមទាំងទីកន្លែងផ្សេងៗជាច្រើនទៀតដែលខ្ញុំបានទៅ តែមិនចាំឈ្មោះ (សុំទោសផងណា)។
ខ្ញុំសង្ឃឹមថា នឹងអាចមកលេងកម្សាន្ត Sa Pa ម្តងទៀត ក្នុងខែដែលមានព្រិលធ្លាក់😍 (Vera)
-សរុបប្រមាណជាម្នាក់អស់ត្រឹម 350$ រួមទាំងចំណាយផ្សេងៗទៀត។
Credit by : Vera
សូមប្រិយមិត្តទស្សនារូបភាពថតដោយកញ្ញា Vera
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ដកស្រង់អត្ថបទដោយ ៖ ស្ការ (ភ្នំ)
