សូមប្រិយមិត្តអ្នកអាន ទទួលយកនូវចំណេះដឹងមួយចំនួនពីទ្វីបអាស៊ី (ASIA) ដូចខាងក្រោម ៖
អំពីទ្វីបអាស៊ី
ទ្វីបអាស៊ី គឺជាទ្វីបមួយធំជាងគេ និង មានប្រជាជនច្រើនជាងគេបង្អស់នៅលើពិភពលោក។ ទ្វីបនេះ បានគ្របដណ្ដប់ប្រមាណ 8.6% និងផែនដី និង ប្រមាណ 29.9% នៃផ្ទៃដី ដែលមានប្រជាជនជាង 4ពាន់លាននាក់ ប្រមាណ 60%នៃប្រជាជនពិភពលោក នាពេលបច្ចុប្បន្ន។ មួយផ្នែកធំ ស្ថិតនៅប៉ែកខាងកើត និងអឌ្ឍគោលខាងជើង។ ដើមឡើយ អាស៊ីត្រូវបានគេចាត់ថាជាផ្នែកមួយនៃផ្ទាំងទ្វីបដ៏ធំ “អឺរ៉ាស៊ី” ក្រោយផ្នែកខាងកើតត្រូវបានកាត់ចេញទៅជា “ទ្វីបអឺរ៉ុប” ដែលលាតសន្ធឹងចាប់ពីខាងកើតនៃព្រែកជីកស៊ុយអេ ខាងកើតអ៊ូរ៉ាល់ និង ខាងត្បូងនៃជួរភ្នំកាវកាស សមុទ្រកាសព្យែន និងសមុទ្រខ្មៅ។
សព្វថ្ងៃទ្វីបអាស៊ីមានចំនួន 48ប្រទេស (ទិន្នន័យអង្គការសហប្រជាជាតិ) និងមានព្រំប្រទល់ខាងកើតជាប់នឹងមហាសមុទ្រប៉ាស៊ីហ្វិក, ខាងត្បូងជាប់នឹងមហាសមុទ្រឥណ្ឌា និងខាងជើងជាប់នឹងមហាសមុទ្រអាកទិក។
អាស៊ីគឺជាទ្វីបធំនិងមានប្រជាជនច្រើនជាងគេបំផុតនៅក្នុង ពិភពលោក។ ប្រទេសនៅអាស៊ីមានវប្បធម៌ខុសៗគ្នា ប្រវត្តិសាស្ត្រដ៏វែងឆ្ងាយ និងមានមេដឹកនាំពិភពលោកជាច្រើន។ ចិន ឥណ្ឌា ជប៉ុន និង ស្រីលង្កា គឺជាប្រទេសនាំមុខគេនៅក្នុងទ្វីបនេះ។ គ្រប់ប្រទេសនៅក្នុងទ្វីបអាស៊ីមានវប្បធម៌រុងរឿងនិងខុសប្លែកគ្នា ពីធម្មជាតិ។ ចិនគឺជាប្រទេសដែលមានប្រជាជនច្រើនជាងគេមិនត្រឹមតែក្នុងទ្វីប ប៉ុន្តែគឺទូទាំងពិភពលោក។
លក្ខណពិសេសនៅទ្វីបអាស៊ី
ទ្វីបអាស៊ីជាប់នឹងមហាសមុទ្រប៉ាស៊ីហ្វិកនៅភាគខាងកើត អឺរ៉ុបនៅភាគខាងលិច សមុទ្រមេឌីទែរ៉ាណេ និងសមុទ្រខ្មៅនៅភាគអាគ្នេយ៍។ សមុទ្រអាកទិចជាប់ព្រំប្រទល់ទ្វីបអាស៊ីនៅភាគខាងជើង ចំណែកសមុទ្រប៊ើរីង ស្ត្រេត ខណ្ឌចែកអាស៊ីពីអាមេរិកខាងជើងនៅភាគឦសាន។ សមុទ្រឥណ្ឌានៅភាគខាងត្បូងនៃទ្វីបខណ្ឌចែកអាស៊ីពីអូស្ត្រាលី។ ចំណុចពិសេសខ្លះៗនៃទ្វីបអាស៊ី៖
- ផ្ទៃសរុបប្រហែល 44,579,000គីឡូម៉ែត្រការ៉េ
- មានច្រាំងសមុទ្រវែងជាងគេនៅក្នុងលោក
- ភ្នំអេវឺរ៉េស្តមានកម្ពស់ 8,849ម៉ែត្រខ្ពស់ជាងគេក្នុងលោក
- សមុទ្រមរណជាចំណុចទាបបំផុតគឺ 400ម៉ែត្រក្រោមនីវ៉ូសមុទ្រ
គ្របដណ្ដប់ 8.6% នៃផ្ទៃសរុបលើផែនដី ដែលប្រមាណជា 29.9% នៃផ្ទៃដីគោកសរុប។ ទ្វីបអាស៊ីមានប្រជាជនជាង60% នៃរបាយប្រជាជនពិភពលោក នេះគឺជាទ្វីបដែលមានប្រជាជនច្រើនបំផុតក្នុងលោក។
សំណួរ-ចម្លើយពីទ្វីបអាស៊ី
+សំណួរទី១ : តើទ្វីបអាស៊ីមានផ្ទៃដីចំនួនប៉ុន្មានគីឡូម៉ែត្រការ៉េ?
-ចម្លើយទី១ : ទ្វីបអាស៊ីមានផ្ទៃសរុប 44,579,000គីឡូម៉ែត្រការ៉េ ស្មើនឹង 29.9% នៃផ្ទៃដីសរុបរបស់ភពផែនដី។
+សំណួរទី២ : តើទ្វីបអាស៊ីមានប្រជាជនសរុបប៉ុន្មានលាននាក់?
-ចម្លើយទី២ : ប្រសិនបើនិយាយអំពីចំនួនប្រជាជនវិញ ទ្វីបអាស៊ីក៏មានប្រជាជនរស់នៅច្រើនជាងគេផងដែរ។ តាមស្ថិតិរបស់អង្គការសហប្រជាជាតិបានបង្ហាញថា គិតត្រឹមថ្ងៃទី11 ខែកញ្ញា ឆ្នាំ2020 ទ្វីបអាស៊ីទាំងមូលមានប្រជាជនរស់នៅជាង 4,648,787,000នាក់ ដែលស្មើនឹងជិត ៦០%នៃប្រជាជនសរុបលើពិភពលោក។
+សំណួរទី៣ : តើប្រទេសណាមានផ្ទៃដីធំជាងគេ ក្នុងទ្វីបអាស៊ី?
-ចម្លើយទី៣ : ប្រទេសដែលមានផ្ទៃដីធំជាងគេគឺប្រទេសចិន មានផ្ទៃដី 9,600,000គីឡូម៉ែត្រការ៉េ។
+សំណួរទី៤ : តើប្រទេសណាមានផ្ទៃដីតូចជាងគេ ក្នុងទ្វីបអាស៊ី?
-ចម្លើយទី៤ : ប្រទេសដែលមានផ្ទៃដីតូចជាងគេគឺប្រទេសម៉ាលឌីវ មានផ្ទៃដីត្រឹម 298គីឡូម៉ែត្រការ៉េ។
+សំណួរទី៥ : តើប្រទេសណាមានប្រជាជនរស់នៅច្រើនជាងគេ ក្នុងទ្វីបអាស៊ី?
-ចម្លើយទី៥ : ប្រទេសដែលមានប្រជាជនរស់នៅច្រើនជាងគឺប្រទេសចិន មានប្រជាជនប្រមាណ 1.4ពាន់លាននាក់។
+សំណួរទី៦ : តើភ្នំអ្វីដែលមានកម្ពស់ខ្ពស់ជាងគេ ក្នុងទ្វីបអាស៊ី?
-ចម្លើយទី៦ : ភ្នំដែលមានកម្ពស់ខ្ពស់ជាងគេគឺភ្នំអេវើរ៉ើស (Everest) មានកម្ពស់ 8,849ម៉ែត្រ។
+សំណួរទី៧ : តើទន្លេណាមួយដែលវែងជាងគេ ក្នុងអាស៊ី?
-ចម្លើយទី៧ : ទន្លេដែលមួយដែលវែងជាងគេគឺទន្លេឆាង ជាំង (ជាភាសាចិន Chang Jiang) ឬ Yangtze River ដែលជាទន្លេមានប្រវែង វែងជាងគេទី៣ ក្នុងពិភពលោក។
+សំណួរទី៨ : តើទ្វីបអាស៊ីត្រូវបានបែងចែកជាប៉ុន្មានតំបន់?
-ចម្លើយទី៨ : ទ្វីបអាស៊ីត្រូវបានបែងចែកជា 5តំបន់ផ្សេងៗគ្នា ដូចជា :
- អាស៊ីអាគ្នេយ៍
- អាស៊ីបូព៌ា
- អាស៊ីខាងត្បូង
- អាស៊ីខាងលិច (មជ្ឈិមបូព៌ា)
- អាស៊ីកណ្តាល
អត្ថបទស្វែងយល់បន្ថែម :
–ចុច Link ដើម្បីចូលមើល : តំបន់អាស៊ីអាគ្នេយ៍ នៃទ្វីបអាស៊ី (Southeast Asia)
–ចុច Link ដើម្បីចូលមើល : តំបន់អាស៊ីបូព៌ា នៃទ្វីបអាស៊ី (East Asia)
–ចុច Link ដើម្បីចូលមើល : តំបន់អាស៊ីខាងត្បូង នៃទ្វីបអាស៊ី (South Asia)
–ចុច Link ដើម្បីចូលមើល : តំបន់អាស៊ីកណ្តាល នៃទ្វីបអាស៊ី (Central Asia)
–ចុច Link ដើម្បីចូលមើល : តំបន់អាស៊ីខាងលិច (មជ្ឈិមបូព៌ា) នៃទ្វីបអាស៊ី (Western Asia)
-សូមចុច link ដើម្បីអានអត្ថបទពីវប្បធម៌ទូទៅ និងចំណេះដឹងទូទៅ ផ្សេងៗទៀត :
https://phkaslapartner.com/learn/generalknowledgeculture/
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ផ្សាយពាណិជ្ជកម្មពីអាជីវកម្មរបស់លោកអ្នក សូមផ្សាយជាមួយ ផ្កាស្លា ផាតនើ!
អត្ថបទដោយ ៖ កំប៉្រុក (ភ្នំ)
