១. ព្យញ្ជនៈ “វ”
“វ” ជាព្យញ្ជនៈទី៤ ក្នុងសេសវគ្គ នៃព្យញ្ជនៈទាំង៣៣តួ
+នៅក្នុងវចនានុក្រមខ្មែររបស់សម្តេចសង្ឃរាជ ជួន ណាត (ពុទ្ធសាសនបណ្ឌិត្យ) បានពន្យល់ពាក្យ “វិបត្តិ” ដូចខាងក្រោម៖
-ពាក្យ “វិបត្តិ” (អានថា -បុ័ត-តិ ឬ -ប័ត) (ន.) សេចក្ដីប្រែប្រួល, ដំណើរថ្លោះធ្លាក់, សេចក្ដីវិនាស, អន្តរាយ, វិបរិត, ដំណើរទទួលគ្រោះថ្នាក់, ការរងទុក្ខលំបាក, ដំណើរដុនដាប, ទន់ទាប, ការភ្លាត់ខុស, ការខុសទំនង, ដំណើរហិនហោច, លិចលង់, ធ្លាក់ខ្លួន, សេចក្ដីស្លាប់ : មានវិបត្តិ, ប្រទះវិបត្តិ, វិបត្តិចរិត ។ វិបត្តិការណ៍ ឬ វិបត្តិហេតុ ហេតុ, ដំណើរ ឲ្យកើតវិបត្តិ ។ វិបត្តិមូល ឫសឬទីតាំងនៃវិបត្តិ, ដើមកំណើតវិបត្តិ ។ល។
ក្រុមការងារយើងខ្ញុំ សូមមេត្តាអធ្យាស្រ័យ ចំពោះរាល់កំហុសឆ្គងដែលកើតមាន ទាំងអត្ថន័យ អក្ខរាវិរុទ្ធ និងកង្វះខាតព័ត៌មានលម្អិតផ្សេងៗ… ហើយក៏សូមទទួលយកនូវមតិរិះគន់ ឬយោបល់កែតម្រូវផ្សេងៗរបស់លោកអ្នក ដោយក្តីគោរព និងរាប់អានបំផុត។
សូមអរគុណ!!!
ដកស្រង់ដោយ ៖ ទន្សាយ (ភ្នំ)
